Meclîsê DBB'yî butçeyanê 2027î ser o qisey keno
Meclîsê Şaredarîya Amedî ya Şaristanê Girdî, kombîyayîşanê aşma teşrîna peyêne de butçeyanê serra 2027î yê Şaredarîya Şaristanê Girdî, Mudirîya Pêroyî ya Îdareyê Awe û Kanalîzasyonî yê Amedî (DÎSKÎ) û 17 şaredarîyanê qezayan ser o qisey keno.
Kombîyayîşê asayî yê aşma teşrîna peyêne yê Meclîsê Şaredarîya Amedî ya Şaristanê Girdî, Salona Kombîyayîşî ya Meclîsî de dest pêkerd.
Butçeyê 17 şaredarîyanê qezayan do bêrê qiseykerdiş
Roniştişan de ke do pêroyê aşma teşrîna peyêne de bêrê kerdiş, butçeyê serra malî ya 2027î yê Şaredarîya Şaristanê Girdî û Mudirîya Pêroyî ya DÎSKÎ ra teber yê şaredarîyanê Baglar, Bismil, Çêrmûg, Çinar, Şankûş, Pîran, Gêl, Erxenî, Hêni, Hezro, Peyas, Karaz, Pasûr, Licê, Farqîn, Sûr û Bajarê Neweyî zî do bêrê qiseykerdiş.
