Şaredarîya Amedî ya Şaristanê Girdî, Parka Ahmed Arifî ya Taxa Huzurevlerî ya qezaya Kayapinarî de Şayîya Sporî ya Gedeyan organîze kerde.

Şayî de gedeyan bi aktîvîteyanê sporî, kayanê perwerdeyî û aktîvîteyanê cîyayan rojêka weşe vîyarnaye.

Gedeyan branşê cîya-cîyayî yê sey futbol, voleybol, basketbol, tenîsê maseyî, dart, dêsê vejîyayîşî, langirt û kişike ceribnayî.

Gedeyî beşdarê kayanê hiş û aqilî, kodkerdişo robotîk û rengkerdişê rîyî zî bîyî.

Şayî bi beşdarîya girse qedîyaye; tede piştîpêdayîş, parekerdiş û pîyakeyfkerdiş vejîyayî vernî.

Şaredarîya Amedî ya Şarsitanê Girdî do organîzekerdişê Şayîyanê Sporî yê Gedeyan taxanê cîyayanê şaristanî de dewam bikero ke resayîşê gedeyan ê spor û aktîvîteyanê komelkîyan zêde bibo.