Seba Mehdî Zanayî ke mabênê serranê 1977-1980î de wezîfeyê Serekîya Şaredarîya Amedî kerdo û nêweşxaneyî de ke rîyê nêweşîya KOAHî ra tedawî bîyêne, cuya xo ra bî, vernîya awanîya xizmetî ya Şaredarîya Amedî ya Şaristanê Girdî de merasîm ame viraştiş.

Hemşaredara Amedî ya Şarsitanê Girdî Serra Bucak reyde pîya, cinîya Zanayî Leyla Zana û keyeyê Zanayan, sîyasetmedarî, parlamenterî, hemşaredarê qezayan, endamê meclîsê ma, sekretero pêroyî û hetkarê ci, serekê daîreyanê ma, temsîlkarê partîyanê sîyasîyan û rêxistinanê komelê sîvîlî û zaf hemwelatî beşdarê merasîmî bîyî.

Hemşaredara Amedî Bucak ke merasîmî de qisey kerd, bale ante mîrasê Zanayî ser o ke vîrê şaristanî û tarîxê îdareyanê herêmkîyan de verdayo û va: "Mîraso ke Mehdî Zanayî verdayo, tena ê vîyarteyî nîyo, ê ewroyî zî yo. Amed do to xo vîr ra nêkero."

Cenazeya Zanayî do Goristanê Yenîkoyî de bêro defnkerdiş. Qebûlkerdişê serweşî Amed de Keyeyê Tazîya yê Licêyijan de do bêro kerdiş.