Hemşaredarê Şaredarîya Amedî ya Şaristanê Girdî Serra Bucak û Dogan Hatun, awanîya xizmetî ya şaredarîye de cinîyê karkerî pêşwazî kerdî û 8ê Adare Roja Cinîyanê Kedkaran a Dinya pîroz kerd.

Hemşaredarê Şaredarîya Şaristanê Girdî Serra Bucak û Dogan Hatunî 8ê Adare yê cinîyanê karkeran pîroz kerd. Hemşaredaran karkeran rê xebatanê înan de asanîye waşt û 8ê Adare Roja Cinîyanê Kedkaran a Dinya înan rê pîroz kerd.

Hemşaredar Bucak û Hatun, paketê ke tede dîyarîyê cîya-cîyayî bîyî û hetê Serekîya Daîreya Xizmetê Cinî û Keyeyî ra ameybî hazirkerdiş, dayî cinîyanê karkeran. Tayê karkeran zî vilike daye Hemşaredare Bucak û sipas kerd.

'Ma pîya 8ê Adare pîroz bikê'

Badê ke vera şaredarîye de fotograf ame girewtene, Hemşaredare Bucak 8ê Adare Roja Cinîyanê Kedkaran a Dinya ser o qisey kerd. Hemşaredare Bucak bale ant mîtîngê ke do Qada Îstasyonî de bêro kerdene û va: "Ma ciwîyayîşê xo, heqê xo û waştişê aştî ya birûmete ke ma bi têkoşînê xo yê rêxistinbîyayîşî qezenc kerdî, ma ca nêverdanê. Hadê cinîyê delalî, meşte 8ê Adare Roja Cinîyanê Kedkaran a Dinya de, seba ke ma pîya pîroz bikê, saete 11.00 de Qada Îstasyonî de ma bêrê têhet. Wa 8ê Adare, Roja Cinîyanê Kedkaran a Dinya şima rê pîroz bo."

Pêşwazîkerdişê karkeran de Hetkara Sekreterê Pêroyî Zerîn Turk, serekê daîreyan ê cinî û endamê meclîsî Hemşaredaran reyde bîyî.