Di nava Serokatiya Daîreya Xizmetên Civakî de Kursên Hunerî û Pîşeyî yên Amedê (DÎSMEK), di bin kordînasyona Midûriyeta Şaxa Perwerdeya Pîşeyî de perwerdeya serdema nû da destpêkirin. Armanc ew e ku bi van kursan re welatî şiyanmendiyên pîşeyî bi dest bixin, pêşveçûna wan a kesane were handan û tevlî hilberîna hunerî bibin.

Perwerdeya ku ji aliyê perwerdekarên di warê xwe de pispor ve li navendên kursê yên Sumerpark û Goletliparkê tên dayîn, dê sê mehan bidomin. Welatiyên ku temenê wan 17 salî û mezintir in dikarin tevlî kursên bêpere bibin ku di nav hefteyê de di navbera saet 08.00-17.00 de di komên cuda de tên lidarxistin.

Di perwerdeyên pîşeyî de dê sertîfîka bên dayîn

Li DÎSMEK’ê di warên aşpêjiyê, pastaciyê, porbirîna jinan, lênêrîna çerm û bedewiyê, tekstîl, operatoriya komputerê, dîksiyon, destkarî û pêş-muhasebeyê de perwerdeyên pîşeyî tên dayîn. Kursiyerên ku van perwerdeyan bi serkeftî temam bikin, dê mafê wergirtina sertîfîkaya bi erêkirina MEB’ê bistînin.

Ji bilî perwerdeyên pîşeyî, di şaxên wêne, xişandina çînî, xişandina keviran, çêkirina lîstokên darîn û perwerdeya deng/tembûrê de kursên bi belgeya tevlîbûnê tên lidarxistin. Armanc ew e ku bi perwerdeyên bi xebatên sepandî ve têne piştgirîkirin, welatî jêhatiniyên xwe yên hunerî pêşve bibin, teknîkên hilberîna kevneşopî fêr bibin û jêhatiniyên ku bi dest xistine veguherînin hilberînê.

‘Em piştgiriyê didin tevlêbûna çalakiyên hilberînê’

Serokê Daîreya Xizmetên Civakî Omer Saman derbarê kursan de agahî dan û diyar kir ku perwerde ji bilî qezencbûna jêhatiniya pîşeyî, bi warên hobiyê re jiyana civakî ya welatiyan jî piştgirî dike. Saman diyar kir ku welatiyên ji çînên civakî yên cuda yên ku li navenda bajêr û navçeyan dijîn eleqeyeke mezin nîşanî kursan didin.

Saman bal kişand ser rola kursan a di têkoşîna li dijî xizaniyê de û got:

“Wek Daîreya Xizmetên Civakî di heman demê de wekî rêbazeke têkoşîna li dijî xizaniyê em piştgiriyê didin ku kesên di civaka me de tevlî çalakiyên hilberînê bibin. Em dixwazin bi serketinên ku ji van kursên me hatine bidestxistin re, gelek welatiyên me wekî berê bi hin pîşeyan re bên cem hev.”

Saman destnîşan kir ku Amed bajarekî ku di warê tûrîzmê de pêş dikeve û diyar kir ku ew armanc dikin ku bi taybetî kursên aşpêjî û pastaciyê tevkariyê li derfetên kar li Amedê bikin. Saman her wiha da zanîn ku kursên taybet ji bo jinan jî hene.

Piştgiriya perwerdeya dîjîtal ji bo kursiyeran

Saman da zanîn ku welatiyên ku tevlî kursên pîşeyî dibin bi rêya Navenda Ciwanan a Dîjîtal ji perwerdeyên dîjîtal jî sûd werdigirin û anî ziman ku perwerdeyên e-bazirganî û pêş-muhasebeyê piştgiriyê didin kursiyerên ku pîşeyek bi dest xistine da ku mercên avakirina karê xwe pêk bînin.

Perwerdeyên hevpar ên li ser wekheviya zayenda civakî

Saman got ku di perwerdeyên ji bo kursiyeran de wan bi serê xwe Serokatiya Daîreya Polîtîkayên Jinan û bi gelek serokatiyên daîreyan re xebatên hevpar meşandine. Wî anî ziman ku bi van xebatan re ew armanc dikin ku tevkariyê li avakirina civakeke demokratîk a ku li ser esasê wekheviya zayenda civakî ye bikin û piştgiriyê bidin ku welatî di jiyana civakî de roleke çalaktir bilîzin.