Hevşaredara Bajarê Mezin a Amedê Serra Bucak, li stadyumê pêşbirka Amedspor û Umraniyesporê temaşe kir.

Amedspora ku di Lîga 1emîn a Federasyona Futbolê ya Tirkiyeyê (TFF) de têdikoşe, li Stada Diyarbekirê bi Umraniyesporê re hat hemberî hev. Hevşaredara Bajarê Mezin a Amedê Serra Bucak, bi Hevşaredarê Baglarê Siraç Çelîk, Serokê Klûba Amedsporê Burç Baysal, Serokê Odeya Pîşesazî û Bazirganî ya Amedê (DTSO) Mehmet Kaya, Serokê Baroya Amedê Abdulkadir Guleç, Alîkarê Sekreterê Giştî Reşat Bakan û Midûrê DÎSKÎyê Mehmet Şerîfoglu re maç temaşe kir.

Amedspora ku 90 deqeyan li stadê bi bandor bû reqîbê xwe Umraniyesporê 2-0 têk bir û puanên xwe derxist 25an.

Piştî maçê Hevşaredar Serra Bucak ji ber serketinê Serokê Klûba Amedsporê Burç Baysal pîroz kir û hêviya serkeftinê jê re xwest.