Şaredarîya Amedî ya Şaristanê Girdî xebatanê xo dewam kena ke şaristanê xo de rayîranê xo bikera ewle, rehet û modern.

Çarçewaya xebatanê newekerdişî de Bulwarê Selahaddîn Eyyûbî de teqrîben 1,2 kîlometre bulwar, bi xebatêka 3 aşman, 50 metre hîra, bi 3 şerîtanê şîyayîş-ameyîşî, rayîrê bisîkletan û şerîta emnîyetî bîyo warê resêko modern.

Seab trafîkî do bêro akerdene

Hewza awa varanî û xeta binawanî bi pêroyî ameyî newekerdene û badê qedênayîşê sîstemê sînyalîzasyonî do seba trafîkî zî bêro akerdene.

Bulwarê Selahaddîn Eyyûbî 10.700 ton bingeyo bîtûmin û 7.500 ton tebeqeya bînderî ameyî ronayene, 15.500 metrekare xebata peyarayîranê bazaltan ê xozayîyan, 86 dîregê roşnayîyê dekoratîfî û 360 darê neweyî ameyî ronayene û bulwar hem bî estetk hem zî modern.