Şaredarîya Amedî ya Şaristanê Girdî, waştişê şarî ser o Aşxaneyê Şarî yo hîrêyin qezaya Sûrî de akena.

Serekîya Daîreya Xizmetê Sosyalî seba ke şarî rê werdê erzan, pak û ewle pêşkêş bikero, projeyê Aşxaneyê Şarî hîra kena. Aşxaneyo verên 29ê tebaxe de Taxa Kooperatîflerî de, dîyin Taxa Mewlana Xalid de û hîrêyin zî Taxa Îskenderpaşa de do bêro akerdene.

Aşxaneyê neweyî de ke do mabênê saetanê 12.00-17.00 de xizmet bido, çar tewir werdî do 70 lîre bêr dayene. Aşxane de ke seba wendekar û şarê ke ameyê înan kêmî yo, rojane hezar kesî do bieşkê werdan ra îstîfade bikerê.