Şaredarîya Amedî ya Şaristanê Girdî, seba muzîsyenan 4 rojî Atolyeya Dalcroze organîze kerd.

Serekîya Daîreya Karanê Kulturî û Komelkî, welatijanê ke muzîkî reyde eleqedar ê, înan rê 4 rojî Atolyeya Dalcroze virazena. Atolyeya ke Merkezê Kulturî û Kongreyî yê Çand Amedî de ameye viraştene, musnayîş û musayîşê muzîkî de nêzdîyayîşêko bikeyf û tecrubeyî pêşkêş kena.

Atolyeya ke 30 kesî beşdar bîyî, perwerde hetê Ava Loiacono û Alessandra De Grandî yê Îtalyayijan ra yeno dayene.

Metodê Dalcroze ke bi hereketê rîtmîk û perwerdeyê goşdarîye hisîyatê muzîkalî yo xozayî hişyar keno, aver bero û rafîne keno, zêdeyê se serre yo dewam keno. No metod, hetê bestekar û perwerdekaro Îswîçreyij Émile Jaques-Dalcroze (1865-1950) ra ameyo averberdene.

Ewro metodê Dalcroze seba hişyarkerdişê hisîyatê muzîkalî metodêko tesîrdar sey yeno qebulkerdene.