Mudirîya Pêroyî ya DÎSKÎ yê Şaredarîya Amedî ya Şaristanê Girdî, Taxa Bostanpinarî ya Qezaya Sûrî û dewan de 14 hezar û 780 metre xeta neweye ya awa şimitişî ronaye.

Mudirîya Pêroyî ya DÎSKÎ yê Amedî, bi proje û xebatanê xo ke seba qeza û taxanê dewan amade kerdî, problemanê awa şimitişî safî kena.

Na çarçewa de Mudirîya Pêroyî ya DÎSKÎ ke projeyan vîrazena, seba ke problemê awa şimitişî yê Taxa Bostanpinarî yê Qezaya Sûrî û dewanê Ocaklar, Aktaşlar û Dahilpinarî de ke biserran o problemê awe ancenê, safî biko dest bi xebate kerd.

Xebatê ronayîşê xete qedîyayî

Projeyê ke hetê ekîbanê teknîkî yê DÎSKÎ ra dest pê kerdbî, tede xebatê ronayîşê xeta neweye ya awa şimitişî ya 14 hezar û 780 metre qedîyayî. Xebatê viraştişê depoyê awe ke hacmê ey 100 metrekûb o, dewam kenê.

Mudirîya Pêroyî ya DÎSKÎ, do proje demêko kilm de biqedêna ke Taxa Bostanpinarî û 3 dewê girêdayeyî awa bêvindertene û weşe bigîrê.