Şaredarîya Şaristanê Girdî ya Amedî seba ke vera tiryakîye têkoşîn bikero Merkezê Şêwirmendî û Perwerdeyê Tiryakîye rona, nê merkezî qezaya Baglarî sey herêma pîlotî tespît kerd.

Merkezê Şêwirmendî û Perwerdeyê Tiryakîye de ke binê banê Serekîya Daîreya Xizmetê Sosyalan de fealîyetanê xo keno, seba ke xebatê ke vera tiryakîye benê, bi hemkarîye bêrê averberdene û fealîyetê ke bingeyê înan şar o, hîna tesîrin dewam bikerê, kombîyayîşê nasname û plankerdiş ame organîzekerdene. Kombîyayîşî de ke Merkezê Sumerpark de virazîya, vera tiryakîye qezaya Baglarî sey herêma pîlotî ame weçînayene.

Kombîyayîşî de Sereka Daîreya Xizmetanê Sosyalan a Şaredarîya Şaristanê Girdî ya Amedî Serap Yildirim, Hetkarê Serekê Şaredarîya Baglarî, muxtarê taxanê merkezî yê Baglarî û psîkolog û ekspertê xizmetê sosyalan ê Merkezê Şêwirmendî û Perwerdeyê Tiryakîye beşdar bîyî.