Hemşaredarê Şaredarîya Amedî ya Bajarê Girdî Dogan Hatun, beşdarê Kombîyayîşê 2. yê Adetî yê Meclîsê Yewîya Bajaranê Tarîxîyan bî.

Kombîyayîşê 2. yê Adetî yê Serra 2024î yê Meclîsê Yewîya Bajaranê Tarîxîyan bi mêmandarîya Şaredarîya Mugla ya Bajarê Girdî û Şaredarîya Menteşeyî Marmarîs de virazîya. Kombîyayîşî de ke yew otele de virazîya, tede Hemşaredarê Şaredarîya Amedî ya Bajarê Girdî Dogan Hatun û 300 serekê şaredarîyan û 500 endamê meclîsê şaredarîyan beşdar bîyî.

Serekê Yewîya Bajaranê Tarîxîyan û Serekê Şaredarîya Ankara ya Bajarê Girdî Mansur Yawaş û Serekê Yewîya Şaredarîyanê hetê Egeyî û Serekê Şaredarîya Mugla ya Bajarê Girdî Ahmet Arasî qiseykerdişê akerdişî kerd û dima "Kombîyayîşê Meclîsê Yewîya Bajaranê Tarîxîyan" dewam kerd. Kombîyayîşî de dima pêşkêşîyê bi temaya "Weşkerdişê Nirxanê Tarîxîyan: Pawitişê Mîrasê Kulturî û Dewamîye" ameyî kerdene. Pêşkêşan de, derheqê awanîyanê tarîxîyan û xebatanê mîrasê kulturî yê bajaran de ke endamê yewîye yê, agahdarîyê detayinî ameyî parekerdene.