Şaredariya Bajarê Mezin a Amedê, xebatên xwe didomîne da ku bandorên neyênî yên barana ku li seranserê bajêr li ser asta demsalî ye, kêm bike. Bi koordînasyona Sekreterê Giştî yê DBBê Serdar Bakiroglu, tîmên ku li gel Midûriyeta Giştî ya Îdareya Av û Kanalîzasyonê ya Amedê (DÎSKÎ) û şaredariyên navçeyan li qadê dixebitin, dest li kombûna avê û lehiyan werdidin.

Ava ku li xaçerê û rêyan pengirîye tê berdan

Tîmên ku ji Şaredariya Bajarê Mezin, Midûriyeta Giştî ya DÎSKÎyê û şaredariyên navçeyan hatine formedan, ji bo berdana ava ku ji ber baranê li xaçerê û rêyan civiyaye û pengiriye xebatan dimeşînin. Tîmên ku çopên astengiya li ber herikîna avê paqij dikin, mazgalên ku xitimîne vedikin û çûyîna ava baranê misoger dikin.

Ji bo kêmkirina astengiyên ku dibe ku di veguhastinê de çêbibin û ji bo ewlehiya welatiyên ku rêyan bi kar tînin, xebat li wan cihên ku av lê civiyaye bi awayekî koordîne didomin.

Îtfaiye dest li lehiyan werdide

Tîmên Serokatiya Sazîya Îtfaiyeyê jî li gorî agahdarkirinên ku werdigirin berê xwe didin cihên ku lehiyê daye ser. Tîm li cihên ku avê daye ser xebatên berîberdana avê pêk tînin û lê dixebitin ku mexdûriyeta welatiyan çareser bikin.

Bi spasiya koordînasyona di navbera tîmên li qadê û yekîneyên ku agahdarkirinan dinirxînin de, tîm û alav berê xwe didin wan cihên ku pêwîstî pê heye.

Banga ALO 153yê ji bo welatiyan

Şaredariya Bajarê Mezin ji ber barana zêde bang li welatiyan kir ku heta ne mecbûr bin dernekevin derve û li wan cihên ku av lê pengiriye û di çûnûhatinê de baldar bin.

Hate diyarkirin ku welatî dikarin neyêniyên ku ji ber baranê rastî wan hatine û daxwazên xwe yên midaxeleyê ji Navenda Bangê ya ALO 153yê re ragihînin.