Şaredariya Bajarê Mezin a Amedê, li Baxçeyê Miletî yê Yenîşehîrê ku di demên dawîn de ji ber neçêkirinê hat veguhestin û bi giranî xirav bû, xebateke berfireh da destpêkirin.

Piştî Hevşaredarên Bajarê Mezin ê Amedê Serra Bucak û Dogan Hatun Baxçeyê Miletî yê Yenîşehîrê ku bi destê TOKÎyê hatiye çêkirin û ji aliyê Wezareta Hawirdor, Bajarvanî û Guherîna Avhewayê ve radestî şaredariyê hat kirin, kontrol kirin, ekîban bona hawirçakiyê zend û bendên xwe badan.

Ekîbên Midûriyeta Park û Baxçeyan ji bo zêdekirina rehetiya parkên ku welatî ji bo bêhnvedan û şahiyê bi kar tînin didomînin, li Baxçeyê Miletî yê Yenîşehîrê ku ji ber guhnedanê xiravbûna nebatan, mobîlyayên bajêr, ronahiyê û amûrên avakirinê xebatên berfireh dan destpêkirin.

Çêkirin û birîn

Midûriyeta Park û Baxçeyan ewil Baxçeyê Miletî yê ku li xaçerêya cadeyên Yenîşehîr Înanoglu, Kişla û Îstasyonê ye ku li ser qadeke 54 hezar û 155 metrekare hatiye çêkirin ji giyayê beyî paqij kir û şiklê parkê xweş kir.

Li qada hêşîn ku kesixandina dar û nebatan lê dest pê kir, ekîban kêmasiyên amûrên avahiya Baxçeyê Miletî ya Yenîşehîrê tesbît kirin û dest bi xebatê kirin.

Eşyayên kolanan ên şikestî dê bên tamîrkirin

Midûriyeta Park û Baxçeyan dê li Baxçeyê Miletî ya Yenîşehîrê qata bazaltê ya xerabûyî, eşyayên bajaran ên şikestî û xerabûyî, ronîkirina beşên windabûyî, qadên werzîşê û lîstikên zarokan bi temamî sererast bike.

Şaredariya Bajarê Mezin a Amedê, armanc dike ku xebatên çaksazî û temîrkirinê yên ku li Baxçeyê Miletî yê Yenîşehîrê di çar şaxan de dabûn destpêkirin di zûtirîn demê de biqedîne.