Bismil de Merkezê Cuya Cinîyan ê Nujîn abî ke cinîyan rê bibo cayêko hempar û piştîpêdayîşî.

Şaredarîya Bismilî seba xurtkerdişê piştîdayîşê cinîyan û girdkerdişê cayanê cuya azade, Merkezê Piştîdayîşî û Cuya Cinîyan ê Nujîn bi merasîmêk akerd.

Akerdişî de Hemşaredara Amedî ya Şaristanê Girdî Serra Bucak, Hemşaredara Şaredarîya Bismilî Mîzgîne Ekîn, endamê meclîsê şaredarîye û xeylê cinîyî beşdar bîyî.

Bucak, qiseykerdişê xo yê akerdişî de va "Nujîn, do bibo keye û welatêk ke cinîyî xo tena hîs nêke, bi piştîdayîşî xurt benê, bi fikr û keda xo gird kenê" û dîyar kerd ke merkez do bibo vengê têkoşînê cinîyan.