Ekîbanê îtfaîye yê girêdayeyê Şaredarîya Amedî ya Şaristanê Girdî, Qezaya Pîranî de bizê ke vergî vera remaybî zinarî û uca de asê mendbî, xelesnayî û teslîmê wayîrê înan kerdî.

Serekîya Daîreya Îtfaîye ke seba emnîyetê can û malê şarî nêvana şew û roj xebatanê xo kena, ekîbanê xo bi îxbaranê ke yenê, heywananê asêmendayan zî xelisnena.

Ekîbanê îtfaîye bi îxbarê ke Taxa Bogazî ya Qezaya Pîranî ra ameyo, dest bi xebate kerd û xo resna bizan ke vergî vera remaybî û zinarî de asê mendbî.

Ekîbanê îtfaîye, di bizê ke zinarî de esê mendbî, bi xebata xo xelisnayî û teslîmê wayîrê înan kerdî.

Wayîrê bizan ke Taxa Bogazî ra yo û resayo bizanê xo, seba xebatanê înan ê fedakarîye sipasîya xo ekîbanê îtfaîye rê kerde."