"Konferansa Pêroyî ya Tora Şaredaranê Aştîye" ke Hemsereka Şaredarîya Amedî ya Şaristanê Girdî Serra Bucak beşdar bîye, dest pêkerd.

Konferansa Pêroyî ya Mayors for Peace (Tora Şaredaranê Aştîye) ke bajarê Nagazakî yê Japonya de yena organîzekerdene, kombîyayîşo yewin bi sernameyê 'Yadkerdişê Serra 80. ya Bombeyanê Atomî' ame viraştene.

Badê kombîyayîşî Hemşaredare Bucak, şaredaranê Nagazakî û Hîroşîmayî rê seramîkê ke Sûrê Amedî ser o yê, dîyarî kerd.

Kombîyayîş do bi panelan dewam bikero

Konferans de ke bi temaya "Ver Bi Dinyayêka Bê Çekanê Nukleeran: Ameyoxê Aştîyane ke Ma Sey Welatîyê Cîhanî Xeyal Kenê" yena organîzekerdene, ewro panelê "Awankerdişî Dinyayêka Bê Çekanê Nukleeran" do bêro organîzekerdene. Beşa peyêne ya panelî de problemê derûdorî, weşîya şarî û pandemî, heqê însanan û penaberî do bêrê tehlîlkerdene.

Roja hirêyine ya konferansî do bi Merasîmê Aştîye yê Nagazakî dest pêbikero, badê merasîmî "Konferansa 11. ya Pêroyî ya Şaredaranê Japonya yê Aştîye" do bêro viraştene.

Programî de endamê meclîsî Umut Aytaş Hemşaredare Bucak reyde yo.