Hemşaredara Amedî ya Şaristanê Girdî Serra Bucak, Farqîn de beşdarê akerdişê Merkezê Miqateyê Heywananê Bêwayîran bîye û va: "Ma herêmî ra felsefeyê pawitişê heywanan awan kenê, kulturê cuye heme herême rê îlan kenê."

Şaredarîya Farqînî Merkezê Miqateyê Heywananê Bêwayîran û Rehabîlîtasyonî merasîmî reyde akerd.

Hemşaredare Bucak bal ante ser o ke merkez tena stargehêk nîyo, hem rehabîlîtasyon hem warêkê perwerdeyî yo. Bucake va: "Wezîfeyê ma yo ke ganî ma heqê cuya her gandarî bipawê. Hikûmet mesûlîyet eşt milê îdareyanê herêmkîyan ser o, la selahîyet û kapasîte nêda."

Bucak va Şaredarîya Şaristanê Girdî perwerdeyê veterîneran muhîm vînena: "17 qezayan de nêzdîyayîşê bingeyê heqan ser o, wayîrvejîyayîş û kulturê cuye ma aver benê. Ma do nê fehmî de Tirkîya de şaredarîyanê pêşengan ra bibê yew." Bucak va ganî dibistan û zarokîstanî gedeyan bîyarê tîya ke boya heywanan hîra bibo.