Hevşaredara Bajarê Mezin a Amedê Serra Bucak, bi boneya Cejna Remezanê serdana gora Rojîn Kabaiş û Narîn Guranê kir.

Hevşaredara Bajarê Mezin Serra Bucak, bi boneya Cejna Remezanê serdana goristanan kir.

Hevşaredar Bucak, Hevseroka DEM Partiyê ya Bajêr Gulşen Ozer, Berdevka Meclisa Jinan a DEM Partiyê Halide Turkoglu, parlamenterên DEM Partiyê, hevşaredarên navçeyan û endamên meclisê, di çarçoveya serdanê de ewilî gora Rojîn Kabaiş a li Goristana Yenîkoyê ya navçeya Baglarê ziyaret kir. Tê zanîn, Kabaîşê dema li Zanîngeha Yuzuncu Yilê ya Wanê dixwend di 27'ê Îlonê de ji wargeha ku lê dima derket û di 15'ê Cotmehê de li Taxa Molaqasimê bi awayekî bi guman jiyana xwe ji dest dabû.

Hevşaredar Bucak li ser gora Rojîn Kabaiş bi malbata wê re hevdîtin kir û careke din sersaxî ji xizmên wê re xwest. Paşê Hevşaredar û kesên pê re kulîlkên sor danîn ser gora Rojîn Kabaişê.

Hevşaredar piştre bi kesên pê re re, serdana gora Narîn Guran a 8 salî kir ku di 21'ê Tebaxê de li Taxa Çolî ya navçeya Baglarê winda bûbû û di 8'ê Îlonê de cenazeyê wê li çemê Reş hatibû dîtin.

Piştî axaftin û xwendina duayan, gul danîn ser goristanê.

Serokên daîreyan û endamên meclîsê di serdanê de bi Hevşaredar Bucak re bûn.