Meclîsê Şaredarîya Amedî ya Şaristanê Girdî butçeyê serra 2025î ke 16 mîlyar û 150 mîlyon ameyo dîyarkerdene, qebul kerd.

Kombîyayîşê Meclîsî ke 28 û 29ê Teşrîna Peyêne de bi serekîya Cagirsereka Meclîsî Evîn Yelbogayî virazîya, tede teklifê butçeyê serra 2025î yê Şaredarîya Amedî ya Şaristanê Girdî, 12 qezayan û Mudirîya Pêroyî ya DÎSKÎ ame munaqeşekerdene. Kombîyayîşê Meclîsî de butçeyê serra 2025î yê Şaredarîya Şaristanê Girdî ke 16 mîlyar û 150 mîlyon ameyo dîyarkerdene bi yewvengî qebul bî.

Butçe de 16 mîlyar û 150 mîlyon mesref, 14 mîlyar û 150 mîlyon ameye ame texmînkerdene û Şaredarîya Şaristanê Girdî do 2 mîlyarî deyn bikero ke seypêyîya butçeyî temîn bikero.