Şaredarîya Amedî ya Şaristanê Girdî seba ke şarê ma bi rehetî bieşkîyo xo biresno xidayanê biweşîye 17 qezayan de bi hemparîya heme şaredarîyan Koordînasyonê Kontrolê Xidayan awan kerd. Qezaya Çêrmûge de esnafî ameyî kontrolkerdene û seba emnîyetê xidayan ameyî îqazkerdene.

Serekîya Daîreya Weşîye heme şaristanî ra seba ke şarê ma bieşkîyo xo biresno xidayanê biweşîye bi Koordînasyonê Kontrolê Xidayan perwerdeyê kontrolî da û peynîya perwerdeyî de heme qezayan de xebatê kontrolî yenê kerdene.

50 tesîsan de kontrol

Ekîbanê ma Qezaya Çêrmûge de dest xebata kontrolî kerd û 50 tesîsan de kontrolê xo qedêna. Ekîbê Şaredarîya Çêrmûge zî ekîba Şaredarîya Amedî ya Şaristanê Girdî reyde bîyî.

Ekîban îqaz kerd

Kontrolî de fririn, market, qesab, lokanta ûsn tesîsan de derheqê hîjyen, depokerdiş û viraştişê xidayan de îqazî ameyî kerdene.

Hedef o yo ke hişmendîya emnîyetê xidayan bi hewayêko timûtim bêro mendene.