Hemşaredara Şaredarîya Amedî ya Şaristanê Girdî Serra Bucak kombîyayîşê Meclîsê Cinîyan ê Konseyê Bajarî de qisey kerd û va ke ê wazenê bi wedarnayîşê neseypêyîya komelkî şinasnayîşê azadîya cinîyan hîna aver berê.

Meclîsê Cinîyan ê Konseyê Bajarî yê Amedî kombîyayîşê xo yo 1. yê Asayî Merkezê Kultur û Kongre yê Çand-Amedî de viraşt. Hemşaredara ma Serra Bucak, hemşaredarê şaredarîyanê qezayan, endamê Komîsyonê Cinîyan ê Meclîsê Şaristanê Girdî, rêxistinê cinîyan û temsîlkarê partîyanê sîyasîyan û muxtarê cinî beşdarê kombîyayîşî bîyî.

Bucak qiseykeridşê xo de va ke ê do rayberîya demokratîke, beşdarkerdiş û zafhewayîye aver berê û do rayîrê cinîyan hîna asan bikerê. Kombîyayîşî de probleme bajarî munaqeşe bîyî, problemê îstîsmarê domanan û fuhuşî ser o vindertî. Cinîyan hemîne Meclîsê Rêberîye weçîna û kombîyayîş qedîya.