Cinîyanê Bosnayij semedo ke Nobeta Dayikan rê piştgirî bide ameyî Dîyarbekir û Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî ziyaret kerde.

Se cinîyanê Bosnayij a ke Qirkerdişê Srebrenîstayî de keyeyanê xo vînî kerdîbî,semedê paştîdayîşî Nobeta Dayikan ameyî Dîyarbekir û zîyaretê dayikan dima Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî zî ziyaret kerde.Walî Guzelogluyî zîyaretê cinîyanê Bosnayij vera spas kerd û keyfweşîyê xo ard ziwanê xo ser.

Walî Guzelogluyî aşkera kerd ke Qirkerdişê Srebrenîstayî qirkerdîşêko û zulmêko gird bî û bade wîna dewom kerd:”Srebrenîsta qirkerdişêko gird bî ma wina vînenê û ganî 11ê Temmuze Roja Qirkerdişê Srebrenîstayî Bêro zanayene.Ez ewilî kesanê ke uca de merde rê Homayî ra rehmet wazena.Ma zaneme ke mafê merdiman teyna fekê kesan de û vateyan de manena,kesanê ke qaşo derheqê mafê cuya merdiman de vaaz danê, bi raştî qalî nêkenî.Ma tim û tim no dewayê de piştgirî da şima û m abi zerrîyê xo cayê şima der î.Ewro tîya de zî zulmêko sey srebrenîsta esta.Zerrîyê nê dayîkan zî sey şima vêşeno.Na rojanê xidar de piştgirdîye şima zaf giringo.Behiş bine linganê dayîkan de yo.Ma verba hemê nêheqîyan de vindenê.100 cinîyanê Bosnayij û 17 dezgeyanê sîvîl semedo ke piştî bide têkoşînê dayikan ameyî tîya, ez zîyaretê şima vera reyna spas kena û bi no wesîleye Rayberê Zana Alia İzzet Begoviçî bi rehm û rêzdarî yad kena. ”