Hevşaredara Bajarê Mezin a Amedê Serra Bucak, beşdarî Civîna Lijneya Rêveber a Ajansa Pêşketinê ya Qerejdaxê ya ku li Urfayê hat lidarxistin bû.

Hevşaredara Bajarê Mezin a Amedê Serra Bucak beşdarî Civîna Lijneya Rêveber a Ajansa Pêşketinê ya Qerejdaxê bû. Civîna ku li Odeya Pîşesazî û Bazirganiyê ya Urfayê bi serokatiya Waliyê Diyarbekirê Murat Zorluoglu û bi mazûvaniya WaliyêUrfayê Hasan Şîldak hat lidarxistin. Serokê Şaredariya Bajarê Mezin a Urfayê Mehmet Kasim Gulpinar, Serokê Odeya Pîşesazî û Bazirganî ya Amedê (DTSO) Mehmet Kaya û Sekreterê Giştî yê Ajansa Pêşketinê ya Qerejdaxê Yunus Çolak jî beşdarî civînê bûn.

Proje hatin nirxandin

Di civînê de, rewşa niha ya projeyên ku di çarçoveya Projeya Karsaziya Civakî, Hêzdarkirin û Hevgirtinê (SEECO) de, ku bi hevkariya Wezareta Pîşesazî û Teknolojiyê û Banka Cîhanî û ji aliyê Yekîtiya Ewropî ve tê fînansekirin, pêk tên, hat nirxandin.

Di dema ku agahdarî di derbarê Bernameya Piştgiriya Veguherîna Kesk a Civakî ya Tevgir (SoGreen) de jî hate parve kirin, ku Banka Navdewletî ya Nûavakirin û Pêşketinê (Banka Cîhanî) dê fînansorê wê be, li ser rola ku dê ajans bigre ser xwe de agahiyên berfireh ji endamên desteyê re hatin dayîn.