Şaredarîya Amedî ya Şaristanê Girdî, bi metodanê tedawîkerdişê lezgînî, bi seyan darê çinarî yê Bulwarê Firatî û Cadeyê Abdulkadîr Aksuyî ke nêweşîya fungalî (ke bi nameyê "mijlorek" yena zanayene) girewtbî, xelas kerdî û reyna kesk kerdî.

Serekîya Daîreya Park û Baxçeyan, aşma sibate de 120 darê çinarî yê rojawanî yê Bulwarê Firatî û Cadeyê Abdulkadîr Aksuyî ya Qezaya Kayapinarî de nêweşîya fungalî ya bi nameyê "mijlorek" tesbît kerde. Na nêweşîye bi asanî pê va, pel, mîlçik û kêzikan vila bîyêne. ekîban bi mudaxeleyêka lezgîne vernîya ci girewt ke nêweşîye qirmê daran ser o vila nêbo.

Parçeyê nêweşî bi baldarî ameyî birnayene, bi dermananê vera fungusî ameyî tedawîkerdiş û cayêko ewle de ameyî îmhakerdiş. Herinda ke muhendisê ziraetî daran pêro kok ra wedarê, bi metodanê tedawîye yê rastan ê xelas kerdî.