Şaredarîya Amedî ya Şaristanê Girdî, xebatê 4 qezayanê merkezî de de 24 hezar û 833 darî tarşnayî.

Serekîya Daîreya Park û Baxçeyan, demê tarşnayîşê daran ke 15ê teşrîna verêne-15ê adare de seba 35 hezarî daranê ke qezayanê Yenîşehîr, Baglar, Kayapinar û Sûrî de tesbît kerdê, dest bi xebate kerd.

Serekîya Daîreya Park û Baxçeyan, seba ke darî hîna weş bibê, şertanê hewayî yê negatîfan de nêşikîyê û rîskê vîndîbîyayîşê can û malî kêm bibo, 4 qezayanê merkezî de xebata tarşnayîşê daran kerde. Xebate de ke hedef o yo ke mîyanê 15ê teşrîna verêne-15ê adare de 35 hezarî darê qezayanê Yenîşehîr, Baglar, Kayapinar û Sûrî bêrê tarşnayene, heta nika ekîba ke 25 kesî ya 24 hezar û 833 darî tarşnayî. Xebatanê tarşnayîşî de personelê pispor ke sertîfîkaya înan a Wezaretê Perwerdeyê Millî ra tesdîqkerde est o, xebitîyayî.

10 hezarî darê bînî zî do bêrê tarşnayene

Xebatan de ke hedef o yo ke heta aşma adare biqedîyê, 10 hezar û 167 darê ke mendê zî do bêrê tarşnayene. Reyna, pawitişê nebatanê grûba leme zî goreyê takvîmê ke dîyar bîyo dewam keno. Tarşnayîşî ra dima ekîbî do dest bi xebatanê birnayîş û pakerdişê vaşanê xerîbî bikerê.

Îzîmî şarê hewcedaran rê yenê dayene

Ekîbî, îzîmê ke tarşnayîşî de benê, resnenê keyeyanê ke hewcedaran û hewcedarîya înan a îzîmê zimistanî temîn kenê. Ekîbî reyna îzîman adresê ke dîyar bîyê, resnenê înan.

Şaredarîya Şaristanê Girdî, xebatanê mesulîyetê komelkî reyde xebatanê xo yê ke do tebîet û komelî rê fayde bidê, dewam kena.