Mudirîya Pêroyî ya DÎSKÎ ya Şaredarîya Amedî ya Şaristanê Girdî, xebata projeya stratejîka ya 625 mîlyon TL dest pêkerd ke tayê taxanê Qezayanê Kayapinar û Yenîşehîr de do binawanê awa şimitişî, kanalîzasyon û awa varayîşan xurt bikero û çareser bikero.

Proje, 112 hezar 700 metre xetê awa şimitişî, 73 hezar metre kanalîzasyon û 5 hezar 239 metre xetê awa varayîşî ra yena meydan. Çarçewaya proje de, Taxa Talaytepe ya Qezaya Kayapinarî de xebatê xurtî yê xetê awa şimitişî do bêrê kerdene û Taxa Dokmetaş ya Qezaya Yenîşehîrî de sîstemêko hîra yê kanalîzasyonî do bêro viraştene.

Mudirîya Pêroyî ya DÎSKÎ depoyê awe zî virazena. Do Tesîsê Awguznayîşê Awa Xame de depoyêko awe bi kapasîteyê 5 hezar metrekub bêro viraştene ke do Taxayanê Dokmetaş û Talaytepeyî rê awe biresno û binawanîya taxan xurt bikero.

Wexto ke proje biqedîyo, problemê binawanî yê herêmanê proje do hetanî serra 2060î bêrê çareserkerdiş.