Midûrtiya Giştî ya DÎSKÎya Şaredariya Bajarê Mezin a Amedê, ji bo rê li ber qirêjiya çavkaniyên avê bê girtin, di 3 mehan de li 98 kargehan kontrolên çopê kir.

Midûriyeta Giştî ya Av û Kanalîzasyonê ya Anedê (DÎSKÎ) xebatên xwe yên ji bo parastina çavkaniyên avê ji gemarî û şêlobûna ku dibe bila bibe, didomîne.

Ekîbên DÎSKÎyê di çarçoveya "Rêveberiya Pêşîlêgirtin û Kontrolkirina Qirêjiya Hawirdorê" de ji bo kargehan teftîşa rûnên bermayî kir. Di vê çarçoveyê de di kontrolên li navenda bajêr de, lavaboyên kargeh û rûnên di bin lavaboyên kargehan de hatin kontrolkirin.

Li 98 kargehan kontrol hatin kirin

Ekîbên girêdayî Midûriyeta Kanalîzasyonê ku di çarçoveya rêziknameya avêtina ava çopê de kontrolê dikin, di 3 mehên dawî de 98 cihên kar kontrol kirin. Tîman hişyarî da hin cihên kar ên ku bermahiyên ron rasterast diguhezînin jîngeha wergirtinê li gorî pîvanên ku di qanûn û rêzikên têkildar de hatine destnîşankirin.

Ji aliyê din ve ekîban li kargehên xalîçeşuştinê, serjêkirina heywanan, otêl, benzînxane, şûştina otomobîlan, kargehên betonê yên amade, karxaneyên kel û pel û mermeran de rijandina rast a ava qirêj kontrol kirin û cezayên pêwîst ji bo kesên ku qanûnê binpê dikin sepandin.

Midûriyeta Giştî ya DÎSKÎyê ji bo parastina çavkaniyên avê û bi paqij gihandina wan ji nifşên paşerojê re dê xebatên xwe bidomîne.