Mudirîya Pêroyî ya DÎSKÎ yê Şaredarîya Girdî ya Amedî bi xebata xo ya ke 4 aşmanê peyênan de kerda, 9 hezar 722 qeydê neweyî girewtî û hûmara aboneyanê awa şimitişî vete 504 hezar 984î.

Mudirîya Pêroyî ya Îdareyê Awe û Kanalîzasyonê Dîyarbekirî (DÎSKÎ), seba ke heqê şarî yê awa şimitişî bipawo û vernîya şuxulnayîşê vindîbîyayeyî bigîro, xebatanê xo yê aboneyîye şaristan de dewam kena.

Merkezê şariştanî de 8 hezar 392 aboneyê neweyî

Serekîya Daîreya Karê Aboneyîye, seba ke verê şuxulnayîşê awa bêqeyd bigîro û melumatê qeydê aboneyanê ke est ê, newe bikero, merkezê bajarî xebatê xo kerdî û 4 aşmanê peyênan de 8 hezar 392 aboneyîyê neweyî viraştê.

Qezaya Yenîşehirî de 740, qezaya Baglarî de 3 hezar 710, qezaya Kayapinarî de 3 hezar 542 û qezaya Sûrî de 400 aboneyî viraştî û 8 hezar 392 abeneyanê neweyan pêro pîya, hûmarê aboneyan merkezê bajarî de bî 367 hezar 306.

Hûmara aboneyanê 13 qezayanê teberê şaristanî 137 hezar 678 o

Ekîbê DÎSKÎ ke 13 qezayanê teberî de zî xebate kenê, 4 aşmanê peyênan de hûmara aboneyan 1 hezar 330 zêdna. Hûmara pêroyî yê aboneyan 13 qezayan de resayo 137 hezar 678î.

Xebatê aboneyîye do dewam bikerê

DÎSKÎ, seba ke vernîya şuxulnayîşê awa vindîbîyaye bigîro, merkezê bajarî û qezayan de xebatanê aboneyîye bêmabên do dewam bikero.