Ekîbê Mudirîya Pêroyî ya DÎSKÎyê Şaredarîya Amedî ya Bajarê Girdî, vizêr varişê zafî de seba ke vernîya laser û tofanan bigîrê, kanalê awa varanî pak kerdî û kerd ke xetî aktîf bixebitîyê.

Mudirîya Pêroyî ya DÎSKÎ yê Amedî, vera probleman ke mumkin o pêroyê bajarî de xetê kanalîzasyon û awa varanî de bivejîyê, vizêr pêroyê roje de teyakuz de xebitîya.

Ekîbê DÎSKÎ îqazê varişê zafî ke Mudirîya Herêma 15. ya Meteorolojî kerdbî, 4 qezayê merkezî û 17 qezayan de bi teqrîben 130 personelî û 21 vîdanjor, 11 kepçe, 15 traktor, 17 pîkap û 10 motopompî xetê kanalanê awa varanî yê cayanê ke rîsk tede est o, tede xebate kerde.

Ekîban bi wasitayanê kombîne û vîdanjorî vera awa ke mumkin bî ke kom bibo bibo laser û tofanan rê mudaxele kerd, xetê awa varanî ke girewte bî demêko kilmek de akerdî û sistemê xetanê awa varanî reyna bêproblem xebitîyayî.

Mudaxeleya leze cayanê rîskînan rê

Têkilîya naye de xetê awe ke girêdayeyê rayîranê asinî yê ke Bulwarê Riha û Bulwarê Xarpêtî de yê de girewte bî hetê ekîbanê DÎSKÎ ra reyna aktîf bîyî û vernîya problemanê ke mumkin bî bibê, ameye girewtene.

Mudirîya Pêroyî ya DÎSKÎ do xebatanê xo yê pêroyê bajarî dewam biko.