Hemşaredare Şaredarîya Amedî ya Şaristanê Girdî Serra Bucak, fealîyetê ke hetê Serekîya Daîreya Xizmetê Cinî û Keyeyî ra ame organîzekerdene, tede personelanê cinîyan ê Mudirîya Pêroyî ya DÎSKÎ reyde ameye têhet. Qezaya Yenîşehîrî de kafeyêk de 150 personelî beşdarê fealîyetê arayî bîyî.

Bucak fealîyetî de bale ant muhîmîya piştgirî û yewbîyayîşê cinîyan ser o û va ke ê do seba Meclîsê Cinîyan DÎSKÎ ra zî endaman bigîrê û seba ke probleman çareser bikê do tora cinîyan awan bibê. Bucak va "Ma do organîzebîyayîşê cinîyan hîna gird bikerê û bi na piştgirîye problemanê dezgehî çareser bikê."