Mudirîya Pêroyî ya DÎSKÎ ya Şaredarîya Amedî ya Şaristanê Girdî, qezayanê Hezro, Farqîn û Bismilî de xeta sereke ya 113 kîlometre ke 15 hezar û 515 kesan rê awa şimitişî dana, tede 20 xirabeyî çareser kerdî û awe temîn kerd.

Mudirîya Pêroyî ya Îdareyê Awe û Kanalîzasyonî ya Amedî (DÎSKÎ), merkezê bajarî û qezayan de seba ke awa bêbirnayîş û weşe temîn bibo, vîndîbîyayîşê awe nêbo û bereket zêde bibo xetanê awa şimitişî de xirabîyan çareser kena û zaf xebatanê xurtan kena. Mudirê Şûbeyê Farqînî yê DÎSKÎ Abbas Aslanî malumat da ke xeta sereke (Çemîsalat) ke qezayanê Hezro, Farqîn û Bismilî de 15 hezar û 515 kesan rê awa şimitişî dana û va: "Cigêrayîşê ma yê arazî de ma xete de tayê problemî tesbît kerdî û ma dest bi mudaxele kerd. Seba ke şar maxdûr nêbo, cayê xebate de ma mecbur mendî ke di saetî awe bibirnê; seba ney xebatê ma 11 rojî ramitî."