Hetê Merkezê Cigêrayîşanê Komelkî yê Dîcle (DÎTAM) ra bi sernameyê "Torra Taqîbê Xizmetanê Herêmkîuan ê Amedî" kombîyayîş ame organîzekerdene.

Kombîyayîşî de Hemşaredarê Amedî yê Şarsitanê Girdî Dogan Hatunî ra teber, temsîlkarê partîyanê sîyasî û rêxistinanê komelê sîvîlî, parlementerî, odayê meslekî, akademîsyenî û êyê ke warê îdareyê herêmkî de xebitîyenê beşdar bîyî.

Hemşaredarê Amedî yê Şarsitanê Girdî Hatunî kombîyayîşî de qisey kerd û bale ante ser o ke nê tewir programî hem seba Şaredarîya Şaristanê Girdî hem zî seba şaristanî zaf muhîm ê û îfade kerd ke planê stratejîkî yê 5 serran pê aqilê hemparî ameyî amadekerdene.

Hemşaredarê Amedî yê Şarsitanê Girdî Hatunî dewamê qiseykerdişê xo yê kombîyayîşî de vat, "Ma kulturî ra heta hunerî, ekolojî ra heta waranê gedeyan kêmanîyî tesbît kerdî û planî goreyê nê hewayî ronayî" û dîyar kerd ke çîyo ke ganî bi eslî ser o bêro qiseykerdene prosesê tatbîqî yo.