Şaredarîya Bajarê Girdî yê Dîyarbekirî Roşanê Remezanî ver semedo ke hemwelatîyan hîna rehet goristanan ziyaret bikerê goristanî kena pak.

Semedo ke hemwelatîyan Roşanê Remezanî de hîna rehet goristanan ziyaret bikerê, Şaredarîya Dîyarbekirî her hetê bajarî de goristanan de hem çînayîşê vaşan hem zî xebata dermankerdişî dest pêkerd.

Ekîbanê Şaredarîya Dîyarbekirî Goristanê Yenîkoyî de xebata tirakerdişê vaşê huşkan û dermankerdişî qedîna û Goristanê Şehitlixî û Yenîşehrî de xebatanê xo domneno.Ekîbê Serekîya Dayîreyê Karanê Weşî ya Şaredarî Berê Merdînî,Alipinarî, Çifthewze, Şilbe ,Aziziye û Peyasî de zî xebata çinayîşê vaşan û dermankerdişî bidomnê.