Hemşaredarê Amedî yê Şarsitanê Girdî Dogan Hatun, Qonaxê Cemîl Paşayî beşdarê Nawitgehê "Vîrê Kerra û Rengan" ya hunermendanê welatanê cîya-cîyayan û DÎTAV de Nawitgehê "Wefa Seba Gabrîelî" bî.

DÎTAV de eserê cigêrayoxê fransizî Albert Louis Gabrîelî ke sûrê Amedî rijîyayîşî ra xelesnayî, pêşkêş bîyî.

Hatunî nawitgehî de qisey kerd û va ganî nameyê Gabrîelî şaristan de bêro ciwîyayene, bal ante muhîmîya pawitişê mîrasan ê sey Çayonû û Zerzewanî ser o.

Hemşaredarê Amedî yê Şarsitanê Girdî Dogan Hatun, Qonaxê Cemîl Paşayî beşdarê Nawitgehê "Vîrê Kerra û Rengan" ya hunermendanê welatanê cîya-cîyayan û DÎTAV de Nawitgehê "Wefa Seba Gabrîelî" bî ke kuratorîya ci Ozlem Atalay kerd û Îran, Ukrayna û Tirkîya ra hunermendî beşdarê ci bîyî. Amed ra 7 hunermandan ca girewt.

Akerdişanê nawitgehan de Sereka Daîreya Ma ya Karanê Kultur û Hunerî û Endama meclîsê ma Gulaye Kiliç zî hemşaredarê ma reyde bîyî.