Hemşaredara Şaredarîya Amedî ya Şaristanê Girdî Serra Bucake, Îstasyonê Neqlkerdişê Eşteyanê huşkan (EKAY) de cigêrayîş kerd û va keye, kar û mekteb de eşteyan têravetiş zaf muhîm o.

Hemşaredare Bucak Rayîrê Mêrdînî ser o Îstasyonê Neqlkerdişê Eşteyanê Huşkan de merheleyê ke eşteyî tira vîyarenê cayê xo de dîyî û berpirsîyaranê şîrkete ra derheqê tesîsî de melumatî girewtî.

Bucake va 'Têravetişê eşteyan cayê înan de, yanî keye, kar û mekteb de zaf muhîm o. Ganî ma muneqeşa bikê ke ma senî şênê nê çîyî biresnê mîyanê keyan.' Aye dîyar kerd ke ganî ma ê persê ke zerrîya şarî de yê, înan rê cewab bidê û şarî rê îzeh bikê ke eşteyî cayê xo de senî yenê têravetiş, senî yenê berdene û dima senî yenê bedilnayene.

Bucak serekîyanê beşan reyde projeyê tetbîqî ser o fikrê xo qisey kerdî û va ke ganî sîstem bi metodanê modernêran bêro viraştene û averberdiş.

Cigêrayîşî de Sekreterê Pêroyî Emrullah Gorduk, Hetkarê Sekreterê Pêroyî Reşat Bakan, Serekê Daîreya Pawitişê Derûdorî û Kontrolî Îbrahîm Yalçin û endamê meclîsî Bucak reyde bîy.