Wendekarî beşdarê programê gêrayîşî bîyî ke Şaredarîya Amedî ya Şaristanê Girdî organîze kerdo. Şikeftê Hasunî û Pirdê Malabadî cayê tarîxî ra ke mîyanê Sûrî de yê, gêrayî.

Mudirîya Şûbeyê Gedeyan ê Serekîya Daîreya Xizmetanê Komelkîyan, şaredarîyanê qezayan reyde programê gêrayîşî ke seba gedeyanê mîyanê 9-14 serran de ke erjanê tarîxî û kulturîyan bişinasê organîze bîyo, dewam keno. Çerçewaya programî de gedeyî, cayanê tarîxî û kulturan ê muhîman ca de dî.

Çarçewaya falîyetî de wendekarî otobusanê Şaredarîya Şaristanê Girdî reyde û mamosteyanê înan reyde ameyî girewtene. Hetê Mudirîya Şûbeyê Gedeyan ra gedeyê ke beşdarê programî bîyî, înan rê çente ame dîyarîkerdene.

Gêrayîşê Farqîn û Sûrî

Qezayanê Kayapinar û Baxlarî ra 50 wendekaran rê gêrayîşê Şikeftê Hasunî û Pirê Malabadî yê Farqînî organîze bî.

40 wendekarî ke Taxa Şilbe Yolaltî ya qezaya Yenişehîrî ra yê, berdî Kela Zerzewanî, Dêra Surp Gîragosî, Minareya Çarlinge, Camîyo Pîl, Keyeyê Dengbêjan û Konaxê Cemîl Paşa.