Geyrayîşo ke ma her hewte gedeyan reyde yew cayê kulturî yê cîya-cîyayî de kenê, no hewte zî gedeyî şîyî Şikeftê Hîlarî yê qezaya Erxenî.

65 gedeyî ke qezayanê Farqîn û Karazî ra ameyî, perwerdekar û rehberanê pisporan reyde şikefte ra gêrayî, tarîx û kulturê bajarî cayê xo de dîyî û etud kerd.

Geyrayîşo ke bi hemkarîya Serekîya Daîreya Xizmetanê Sosyalan û şaredarîyanê qezayan seba gedeyanê ke mabênê 9-14 serran de yê ame organîzekerdene, tede gedeyan rê çante ke tede malzemeyê ke hewcedarîyanê înan ê bingeyinî est ê, sey dîyarî ameyî dayene.