Şaredarîya Amedî ya Şaristanê Girdî, Qezaya Pîran de bi temaya "Xozayî de Xo Bivîne" do gêrayîşo xozayî organîze biko.

Serekîya Daîreya Ciwan û Sporî, seba ke stresê şarî ke cuya şaristanî de ciwîyenê, tay bibo, înan xozayî reyde bîyaro têhet û şinasnayîşê herême hetê turîzmî ra zêde bibo, bi sloganê "Xozayî de Xo Bivîne" do xebata gêrayîşî organîze biko. Gêrayîşo xozayî do Taxa Degîrmenî ya dewe ya girêdayeyê Qezaya Pîran de bêro viraştene.

Qeydî do Sumerpark de bêrê girewtene

Şarê 18 serran û zafêr ke wazenê beşdarê gêrayîşê xozayî bibê ke 1ê Teşrîna Peyêne roja Înî do bêro viraştene, tena şêrê Serekîya Daîreya Ciwan û Sporî ke Cayê Cuya Hemparî yê Sumerpark de ya, xo qeyd bikerê.

Badê qeydan Şaredarîya Şaristanê Girdî do heme beşdaran rê tîşort vila biko. Beşdarê ke derheqê gêrayîşo xozayî de do bêrê agahdarkerdene, hetê Şaredarîya Şaristanê Girdî ra xizmetê servîsî do bêro dayene."