Şaredarîya Amedî ya Şaristanê Girdî, tesîsanê xo de ronayîşê xo yê şitilan dewam kena û cayanê keskan de 46 hezar şitilê gulan resnayî herre.

Serekîya Daîreya Park û Baxçeyan ke ramitişê vilikanê mewsimî yê hamnanî-zimistanî û herînayîşê înan qedêna, Şefîya Fîdanlixî ya Qezaya Yenîşehîrî de ramitişê leme û gulanê cîya-cîyayan dewam kena.

Ekîban nê sezonî de refuj, çatrayîr û parkanê bajarî de 46 hezar şitilê gulan ê tewirê cîya-cîyayan ronayî. Înan aşmanê Sibate û Adare de 17 hezar gulê ke amade kerdî, ronayî.

Mudirîya Şefîya Fîdanlixî û Darûberinkerdişî do 17 hezar şitilê gulan yê tewirê cîya-cîyayan ke ronayî, Sibate û Adare ya 2026î de refûj, kavşak û parkanê bajarî de bişuxulno.

10 hezar gulê bînî do bêrê ronayene

Ekîbanê ke emser tewirê Yedîveren, Muhammedîye û Meylandî ra 46 hezar şitilî ronayî, eke hewce bibo 10 hezar gulê ke hazir pawenê, do cayanê cîya-cîyayan ê bajarî de bişuxulnê.

20 hezar lemî ameyî ronayene

Serekîya Daîreya Park û Baxçeyan, seba ke goreyê vilikê mewsimî hîna erjan ê û emrê înan derg o, ronayîşê leman dewam kena. Emser 20 hezar tewirê cîya-cîyayan ê leman ronayî.