Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî bi Serekê KOSGEBê Prof.Dr.Cevahir Uzkurtî ra têhetamayişê esnafan di ameyî têhet û Walî Guzelogluyî “Esnafanê ma çîyanê weşan heq kene.Esnafanê ma name yewî û pîyabîyayîşê û bi ewlehî averşîyayîşê Dîyarbekirî yo” vat.

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî û Serekê KOSGEBê Prof.Dr.Cevahir Uzkurtî semedo ke goşdarîya problem û waştîşanê esnafan biekrê kombîyayişêk serrast kerd.Kombîyayiş rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, Serekê KOSGEBê Prof.Dr.Cevahir Uzkurt, Serekê DESOBê Alican Ebedinoglu,Serekê Dayîreyê Îdareyê Projeyan a KOSGEBê Hayrettin Bahçıvancı, Midurê Bazirganîya Dîyarbekirî Tuncay Baysülen, Sekreterê Pêroyî ya Ajansê Qerejdaxî Dr. Hasan Maral, serekê odeyanê DESOBê beşdar bîyî.

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî kombîyayiş de qalîkerdişêk viraşt û “Ewro ez DESOB de têhetamayîşê şima vera zaf keyfweşa.Ewilî ez semede îcabetê silayîye Serekê KOSGEBê û ekîbanê ci rê spas kena. Esnafanê ma çîyanê weşan heq kene.Esnafanê ma name yewî û pîyabîyayîşê û bi ewlehî averşîyayîşê Dîyarbekirî yo.Ez tim vana esnaf şar bi xo yo.Esnaf bi sembole parekerdiş û paştîdayîşî yo.Ma do heme îmkananê dewlete semede şarî bixebitne. Dîyarbekir de esnafan KOSGEBÎ ra zaf feyde girewt û o semed ez Serekê KOSGEBê Prof.Dr.Cevahir Uzkurtî rêxizmetanê înan vera spas kena.Ewro Serek û ekîbanê KOSGEBê semede çareserkerdişê meseleyanê esnafan ameyî tîya.Ez bawerî kena ke no kombîyayiş bibo wesîleya çîyanê weş.Ez reyna heme beşdaran rê spas kena ” vat.