Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî qepsema kombîyayişî qezayan di qezaya hêni de esnaf û hemwelatijan ra ameyî têhet.Kombîyayiş de Walî Guzelogluyî goşdarîya esnaf û hemwelatijan kerd.

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî semedo ke goşdarîya problem û waştîşanê hemwelatijan bikero qezaya Hêni de kombîyayişêk serrast kerd.Kombîyayişê “Têhetamayişê bi şarî ra” qezaya Hêni de Salona Konferansê Merkezê Kultur û Hunerî de serrast bî û konferans rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî,Qeymeqamê Hêniyî Turan Sogukoluk,Hetkarê Walîyî û Midurê Pêroyî ya DÎSKÎyî Ahmet Naci Helvacı,Midurê Asayîşê Dîyarbekirî Şukru Yaman, fermandarê Cendirme Tuggeneral Mustafa Erdem,Şaredarê Hêniyî İbrahim Lale,SereKê DESOBê Alican Ebedinoglu,midurê dezgeyan,esnaf û hemwelatijan beşdar bîyî.Walî Guzelogluyî kombîyayiş de têhetamayişê înan vera keyfweşîyê xo ard ziwanê xo ser.

Walî Guzelogluyî aşkera kerd ke Hêni de xebatan xeyle wext erey kewta.O semed nika ra tepîya tîya de xebatan bi leze bêro viraştene.Hêni bi xizmetan bibo sey vilikan.Derdê ma xizmet o.O semed ma wazeme ke Hêni bi xizmetan henî aver şero.Ma ewro zî meşte zî xizmetê şarî derîme.

Badê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî goşdarîya persiv û waştîşanê esnafan kerd.