Hemşaredarê Amedî Dogan Hatun, qezaya Baglarî de Taxa Karamusî de hemwelatî û esnafan reyde ame têhet û problemê ke taxe de est ê, cayê xo de goşdarî kerdî.

Hemşaredarê Şaredarîya Amedî ya Şaristanê Girdî Dogan Hatun, hemserekê Şaristanî yê DEM Partî û DBP'yî û îdareyê Şaredarîya Baglarî reyde pîya, qezaya Baglarî de Taxa Karamusî de hemwelatî û esnafan reyde ame têhet û problemê ke taxe de est ê, cayê xo de goşdarî kerdî.

Hemşaredar Hatunî ke waştişê derheqê binawanî, res, serûberkerdişê cugehî û xizmetê komelkî rasterast girewtî, bale ante muhîmîya şarî reyra têkilîya rasteraste ya îdareyanê herêmkîyan ke prosesanê berhemardişê çareserîye de tesîrdar beno.

Heyeto ke esnafê taxe zî zîyaret kerd û derheqê şertanê ekonomîk û xizmetanê herêmkîyan de fikrî pare kerdî; dîyar kerd ke seba taqîbê waştişan ke ameyî resnayene û berhemardişê cewabê hewceyîyanê taxan, Şaredarîya Şaristanê Girdî û Şaredarîya Baglarî mîyanê kordînasyonî de do dewam bikerê ke bixebitîyê.