Hemşaredara Şaredarîya Amedî ya Şaristanê Girdî Serra Bucak, Fuarê Kitaban de beşdarê aktîvîteya roja îmzaya Hemşaredara Verêne ya DBB'yî Gultan Kişanak bîye.

Hemşaredara Şaredarîya Şaristanê Girdî Serra Bucak, beşdarê sohbet û aktîvîteya îmzaya kitabê "Davaciyim" yê Hemşaredara Verêne ya DBB'yî Gultan Kişanak bîye ke Fuarê Kitaban ê Amedî de organîze bî.

Hemşaredare Bucak verê programî standan yew bi yew geyra û weşanxaneyan û kitabhezkerdoxanê ke beşdarê fuarî bîyî, înan reyde sohbet kerd. Hemşaredare, badê zîyaretanê fuarî şîye salona konferansî ya fuarî ke tede sohbet virazîya.

Kişanak: Ez bi nameyê ma pêroyînan bîya dewacî

Gultan Kişanake ke Weşanxaneyê Dîpnotî ke kitabê aye vet, wayîrê ey reyde beşdarê sohbetî bîye û va "Ez heşt serran ra dima şima ver de bi cigêrayîşê edaletî vejîyaya la no cigêrayîşê mi yê şexsî nîyo dewaya ma pêroyînan a, ez nameyê ma pêroyînan ser o bîya dewacî."

Hemşaredare Bucak ke badê sohbetî seba aktîvîteya îmzayî şîye standê Weşanxaneyê Dîpnotî, kitab da Kişanake ke îmze bikero.

Aktîvîteyî de endamê Komîsyonê Kulturî yê Meclîsê DBB'yî Redur Dîcle Aydin û Evîn Ay zî Hemşaredare Bucake reyde bîy.