Hemşaredarê Amedî yê Bajarê Girdî Dogan Hatun şî zîyaretê mehlayanê Dîcle û Ferîtkoşkî û şarî reyde ame têhet.

Hemşaredarê Amedî yê Bajarê Girdî Dogan Hatun Qezaya Yenîşehîrî de Mehlayanê Dîcle û Ferîtkoşkî ziyaret kerd û şarî reyde ame têhet. Hemşaredarê Yenîşehîrî Mehmet Ergun û hetkarê Sekreterê Pêroyî Azîz Dogan û endamê meclise Ayhan Karatetîk zî Dogan Hatunî reyde bîy.

Hemşaredar kuçeyan ra gêra û şarî reyde sohbet kerd.

Şarî behsê ravurnayîşê bajarkî de magdurîyetê xo kerd.

Dogan Hatunî şarî ra eleqeyêko gird dî û şarî goşdarî kerd ke gazin û problemanê înan rê çareserîyêk peyda biko.

Şarî waşt ke magdurîyetê înan bêro çareserkerdene û binawanîyê mehlayan bêrê rindkerdene. Sewbînan şarî waşt ke seba gedeyan cayê kayî bêrê viraştene û cayê tazîyeyî bêro viraştene.

Hatun: Ma seba Ravurnayîşê Bajarkîyî muracatê wezaretî kerd

Hemşaredarê Amedî yê Şaristanê Girdî Dogan Hatunî dîyar kerd ke ê do seba her di mehlayan zî bixebitîyê û muracetê Wezaretî kerdo zî.