Hemşaredarê Amedî ya Şaristanê Girdî Serra Bucak û Dogan Hatun şîyî zîyaretê Qezaya Hêneyî û yew bi yew taxan ra gêrayê û problemê Hêneyî etud kerdî.

Hemşaredarê ma Dogan Hatun û Serra Bucak dewam kenê ke qezayanê ma ra bigêrê û problemanê şarî tespît bikê. Esnaf û şarê Hêneyî reyde amey têhet û şarî goşdaritî. Hetkarê Sekreterîya Pêroyî Azîz Ozdogan û endamê meclîsî zî hemşaredaran reyde bî.

Zîyaretê Şaredarîya Hêneyî

Hemşaredarê ma Dogan Hatun û Serra Bucak şîy zîyaretê Şaredarîya Hêneyî de Hemşaredarê ma Besîle Narîn û Hamdullah Demîr dîyî. Derheqê xebatan de melumatî dayî û girewtî

Serûberkerdişê Aynkebîrî de Etud

Hemşaredarê ma dima şîy Aynkebîr. Rayîrê Aynkebîrî de etud kerd cayê ke çal û kort bîyê, wezîfe da wezîfedaran ke wa virazê. Hemşaredaranê melumatê serûberkerdişê Aynkebîrî girewtî.

Waştiş û talebê şarê xo goşdarî kerdî

Hemşaredarî dima merkezê qeza de taxan ra gêrayî, Taxa Dilb ke problemê aye yê awe est ê, uca de etud kerd û şarî reyde sohbet kerd. Gazin û waştîşê şarî goşdarî kerdî û sozê çarekerdişî da şarî.

Hemşaredaran taxanê merkezê qeza de zî etud kerd û rayîrê parkeyinî ke parkeyê înan webîyê, wezîfe da ke wa bêrî viraştene.

Hemşaredarî: Ma do pîya bixebitîyê

Hemşaredaran dîyar kerd ke goreyê waştişê şarî do şarî reyde pîya bixebitîyê û demêkê kilmekî de qeza de problemê awe, binawanî, îmar û rayîrî bêrê çarekerdene.