Hemşaredara Şaredarîya Amedî ya Şaristanê Girdî Serra Bucak, Dêrê Meryem Ana de ayînê ke seba Roşanê Noelî ame viraştene, beşdarê ci bîye.

Hemşaredara Şaredarîya Amedî ya Şaristanê Girdî Serra Bucak, Sûr de Dêrê Meryem Ana yê ke yê komelê Suryanîyanê Ortodoksan o, tede ayînê ke seba Roşanê Noelî ame viraştene, beşdarê ci bîye.

Ayîn de Hemşaredare Bucak ra teber, Hemşaredara Şaredarîya Sûrî Fatma Gulan Onkol û şar zî beşdar bîyî.

Keşe Gabriel Akyuzî ke ayîn îdare kerd, hêvîya xo ya ke serrnewe azadî, aştî û weşîye bîyaro îfade kerd.

Badê ayînî Hemşaredara Bucak û kesê ke aye reyde bîy, şîyî Weqifa Cigêrayîşê Komelkî yê Dîcle (DİTAV) ke nêzdîyê dêrî de yo.