Hemşaredarê Amedî ya Şaristanê Girdî Serra Bucak û Dogan Hatun, beşdarê Rojanê Kultur û Hunerî yê Şaredarîya Yenîşehîrî bîyî.

Çalakîya 12-14ê Êlûle, ke Taxa Ofîsî Kuçeya Hunerî de bi konserê Koma Hevra dest pêkerd. Hemşaredarê Amedî Bucak û Hatun, endamê meclîsê DBB, Hemşaredarê Yenîşehîrî Safîye Akdag û Mehmet Ergun, parlementarê DEM Partî, hemserekê şaristanî yê DEM Partî û DBP’yî, hemşaredarê qezayan û şar beşdar bîyî.

Hemşaredaranê Yenîşehîrî vat: "Kultur estbîyayîş o, ziwan o, nasname yo. Her dare kokê xo ser o şîn bena." Bale ame antene muhîmîya ziwanê dayîke ser o û vajîya ke rojanê hunerî de heta 14ê Êlûle tîyatro, nawitgeh, semîner û atolyeyî, Kuçeyê Gedeyan de zî programê rengînî est ê.

Serekîya Daîreya Karanê Weşîye ya Şaredarîya Şaristanê Girdî zî stand rona, şarî rê xizmetê kontrolê weşîye yo bêpere da.