Lijneya Koordînasyona Tenduristî û Ewlehiya Kar a Şaredariya Bajarê Mezin a Amedê civîna xwe ya dawî ya sala 2024an li dar xist.

Lijneya ku di sala 2016an de wek Lijneya Tenduristî û Ewlehiya Kar (ÎGS) hat avakirin, lê di sala 2020an da wek Lijneya Koordînasyona ÎGS ya Şaredariya Bajarê Mezin a Amedê hat guherandin, civîna xwe ya dawîn a salane li dar xist. Di civîna ku li avahiya teniştê ya Şaredariya Bajarê Mezin hat lidarxistin de Sekreterê Giştî yê Şaredariya Bajarê Mezin a Amedê Emrullah Gorduk wek nûnerê kardêr û Alîkarê Sekreterê Giştî Reşat Bakan, serokên daîreyan, rêveberên şaxan û nûnerên Personel A.Ş’yê beşdar bûn.

Di civîna ku der barê Rêbernameya Navxweyî ya Tenduristî û Ewlehiya Kar a Şaredariya Bajarê Mezin a Amedê de agahî hatin dayîn, ji başkirina rewşa fizîkî ya avahiyê û dirêjkirina wê bigire heta kontrolkirina malzeme û alavên ku di kargehê de tên bikaranîn, ji bicîbûna karmendan gelek mijar hatin nirxandin.