Ekîbê Îtfaîye yê Şaredarîya Amedî ya Şaristanê Girdî, hero ke kewtbî kanalê awe xelisna.

Hero ke Dewa Karamusa ya girêdayeyê qezaya Çinarî ya Amedî de kewtbî kanalê awe û asê mendbî, hetê ekîbanê Serekîya Daîreya Îtfaîye ra ame xelisnayîş.

Goreyê melumatan ke ameyî, hero çar rojan kanalê awe de asê mendo. Labelê rewşe wezîfedaran rê ewro ameye vatene. Ekîbê îtfaîye ke xebere girewte saete 12:25 de şî cayê hedîseyî û saete 12:35 de resayî herême. Ekîbê gêrayîş û xelisnayîşî ke 3 kesî bî, bi mudaxaleyêkê lezî her cayê xo ra vet.

Ame vatene ke rewşa weşîya herî ke ame xelisnayîş weş a û şarî ekîbanê îtfaîye rê sipas kerd.